И мукьвара Каспийскда, А.Алиеван тIварунихъ галай спортдин дараматда, 2004-2005- йисара дидедиз хьанвай жаванрин арада кикбоксингдай кьиле фейи Дагъустандин кIвенкIвечивал патал акъажунра республикадин шегьеррайни хуьрерай тир 600-далай виниз спортсменри чпин устадвал къалурна.
ИкI, Белиждин 2-нумрадин ДЮСШ-дин ученик Амин Залова, финалдин акъажунра вичихъ галаз бягьсиниз экъечlайди нокдаундиз ракъуруналди, гъалибвал къазанмишна. Идалди Амина Дагъустандин чемпионвилин тIвар (гила 2-сеферда) тестикьарна. Ам медалдиз, кубокдиз, дипломдиз лайихлу хьана. Жаванди машгьур тренер Шагьмурад Залован гъилик вердишвилер къачузва. Чемпионди алай вацра Избербашда кьиле фидай СКФО-дин чемпионатдиз гьазурвилер аквазва.
Къагьриман Ибрагьимов
