Играми ватанэгьлияр!

Коронавирусдин нубатдин лепе къарагъзава. Эгер алатай йисан эхирра начаг жезвайбурун кьадар тIимил хьанвайтIа, гила абур артух жезва. Мисал яз, тек са йикъан къене (19-январдиз) Дагъустанда 169 касдик коронавирус акатнава. И рекъемар Оперштабдин малуматрин центради раижнавайбур я.

Арадал атанвай четин гьалар фикирда кьуна, чакай гьар сад хсуси сагъламвилин къайгъуда хьун герек я. Пешекаррин гафаралди, азардин вилик пад кьунин рекье виридалайни менфятлу яракь адаз раб ягъун я. И кардиз кьетIен фикир це.

Духтурри лугьузвайвал, раб янавайбурун арада мад сеферда коронавирус ахкатна кьейи дуьшуьшар тек-туьк я. Амма нубатдин сеферда начагъ хъжезвайбур ава, амма раб ягъун себеб яз, абурук азар кьезил къайдада акатзава.

Мадни, Роспотребнадзорди ганвай меслятрал амал я. И кардихъни сагъламвал патал еке важиблувал ава. Куьн вири Аллагьди хуьрай!

М.Ибрагьимов