Дагъустандин Гьукуматдин пресс-къуллугъди хабар гайивал, Расул Гьамзатован 100 йисан юбилей къейд авуниз талукь яз гьазурзавай пландин бинедаллаз, 8,5 миллиард манатдин къимет авай 70-далай виниз мярекатар тухудайвал я.
Пландин бинедаллаз школаяр, аялрин бахчаяр, куьчеяр, цин линияр ремонтда ва цIийикIа туькIуьр хъийида. Культурадин хейлин серенжемар кьиле тухуда. И план килигун патал РФ-дин Гьукуматдиз рекье тунва.
Тайинарнавайвал, юбилейдихъ галаз алакъалу мярекатар кьиле тухун патал 8,8 миллиард манат герек къведа. Идакай 5,2 миллиард — федеральный бюджетдай, 2,9 миллиард — республикадин, 7 миллион манат — чкадин бюджетрай ва 650 миллион манат бюджетдинбур тушир фондарай.
Гьукуматдин пресс-къуллугъди хабар гайивал, пландик Расул Гьамзатован тIварунихъ галай проспектни ремонт авун кутунва. И кар патал федеральный центрадивай 650 миллион манат тIалабдайвал я.
«Лезги газет»
