Гьуьрметлу дустар!

13-январдиз чи уьлкведа Россиядин печатдин югъ-сувар къейдзава. Ам, гьелбетда, сифте нубатда журналистрин сувар я. Газет кIелзавайбурун суварни я!

Чна квез вирибуруз руьгьдин къуватар артухарзавай и сувар рикIин сидкьидай мубаракзава, азизбур! Къуй квехъ мягькем сагъламвал, кIвалера гьуьрмет, муьгьуьббат, берекат хьурай!

Дагъустандин халкьдин шаир Арбен Къардаша “Лезги газет” миллетдин “эркни руьгь” яз гьисабзава. Шаирди дуьз къимет ганва.

Чи эрк сагърай! Чи руьгь сагърай! Амин!..

“Лезги газетдин” редакция