Мегьарамдхуьруьн райадминистрацияди ДАССР-дин 100 йис тамам хьуниз бахшнавай нубатдин серенжем — 2002-2003-йисара дидедиз хьайи жаванрин арада азаддаказ кьуршахар кьунай Дагъустандин зонадин кIвенкIвечивилин акъажунар кьиле тухвана.
А.Исрафилован тIварунихъ галай 1-нумрадин ДЮСШ-да (Мегьарамдхуьр) кьиле фейи и акъажунра 11 командадик кваз 90-далай виниз жаванри гьасиррал чпин устадвал, алакьунар къалурна.
Гъалиб хьайи спортсменриз кубокар, грамотаяр, талукь дережайрин медалар гана. Абурун арада СтIал Сулейманан райондай тир спортсменарни ава. ИкI, зонадин акъажунра Рагьим Алискерова -1 (61 кг-дин заланвал авайбурун арада), Мадрид Ашурбегова (74 кг) ва Сулейман Агьмедова (92 кг) -2, Исакь Мегьамедова (60 кг), Артем Фатагьова (65 кг) ва Алаудин Гьасанова (79 кг) 3-чкаяр кьуна.
«Лезги газет»
