10-декабрдиз Кьурагьа, генерал Муьгьуьдин Къагьриманован экуь къаматдиз бахшна, волейболдай адет хьанвай турнир кьиле фена. Ана Кьурагьрин 2-нумрадин юкьван школадин, РФ-дин МВД-дин Кьурагь районда авай отделдин, ДЮСШ-дин ва хуьруьн ветеранрин командайри иштиракна.
Кьурагьрин 2-нумрадин юкьван школадин команда 1-чкадиз лайихлу хьана. 2 ва 3-чкаяр, талукь тирвал, Кьурагьрин хуьруьн ветеранрин ва ДЮСШ-дин, 4-чкани МВД-дин Кьурагь районда авай отделдин командайри кьуна. Вири командаяр медалриз, грамотайриз ва пишкешриз, 1-чка кьур команда Кубокдиз лайихлу хьана. Виридалайни хъсандиз къугъвайбуруз — М.Бейбалаеваз (КСОШ №2), З.Таибоваз (ветеранрин команда) ва Ф.Рамазановаз турнирдин тешкилатчийри алукIдай спортформа гана.
«Лезги газет»
