Багъишунин икьрар — им кьве терефдин арада гьакъисуз икьрар хьайивилин гьакъиндай шагьидвалзавай, юридический къуват авай документ я.
Анжах жуван хсусият тирди документралди тестикьарнавай эменни багъиш ийиз жеда. Месела, диде-бубадивай чпин умуми эменни (кIвал, чилин участок) яшар тамам хьанвай веледдив вахкуз жеда.
Багъишунин икьрар МФЦ-да регистрация авун патал ихьтин документар герек къведа:
— паспорт;
— арза (бланк МФЦ-да гуда);
— багъишунин икьрар (ам МФЦ-дин юристди туькIуьрда, госпошлинадин кьадар эменнидин жуьредилай аслу я);
— госпошлина гайивилин квитанция;
— хсусият тестикьарзавай документ;
— нотариусди тестикьарнавай доверенность (эгер арзачидин патахъай маса касди векилвал ийиз хьайитIа).
«Лезги газет»
