Мароккодикай итижлу делилар
— Африкада авай Марокко уьлкведин агьалийрин 60 процент арабар я.
— Мароккодин тамам тIвар “Al-Mamlaka al-Maghribiya” я. Таржума авурла, “РагъакIидай патан пачагьлугъ” лагьай чIал жезва.
— Гьукумдин кьилиз цIийи пачагь атайла, милли пулунал алай шикил дегишарзава: куьгьне гьукумдардин чкадал цIийиданди эцигзава. Бязи дуьшуьшра цIийи пачагьдинни куьгьнедан шикилар тазва.
— И уьлкведа 35,8 миллион агьали яшамиш жезва.
— Мароккодин умуми майдан 710850 квадратный километрдикай ибарат я.
— Мароккодин гьар са вокзалдик ва я автозаправкайрал ибадат ийидай махсус чкаяр жеда.
— Мароккода 859-йисуз бине кутур университет дуьньяда виридалайни къадимди яз гьисабзава.
— И уьлкведин агьалийри гзафни-гзаф веревирдзавай тема футболдинди я.
— Гзаф туристри къейдзавайвал, Мароккода авай тIалабчияр чпин “кIвалахдин чкадал” таксида аваз къвезва.
— Мароккода виридалайни зегьемлу вахт августдин варз я.
— И уьлкведин гзаф аялри 5 йисалай 12 йисалди Къуръан чирзава.
— Араб чIалалай алатайла, Мароккода кьвед лагьай чкадал френг чIал ала.
— Мароккода улакьар гьалзавайбуру рекьера чпин туьнтвал къалурдач, абур сабурлу ва секин жеда.
— Мароккода машгьур гзаф фильмаяр гьазурнава.
«Лезги газет»
