1-декабрдиз Дагъустандин государстводин ва сиясатдин машгьур деятель Шагьидин Рамазанович Рамазанов дидедиз хьайидалай инихъ 80 йис тамам хьанва.
Шагьидин Рамазанова яргъал йисара Дагъустандин халкьдиз къуллугъна. Рутул райондин Лакунрин хуьряй тир ада 1985-1990-йисара КПСС-дин Рутул райкомдин сад лагьай секретардин везифаяр тамамарна. Жуьреба-жуьре йисара адакай халкьдин депутат, ДАССР-дин Верховный Советдин Президиумдин член, миллетрин арада алакъайрин месэлайрай Дагъустандин Верховный Советдин Гьамишалугъ Комиссиядин председатель, лезги халкьдин патай РД-дин Госсоветдин член хьана. 1994-2004-йисара ада РД-дин Госсоветдин кадрийрин сиясатдин управленидиз регьбервал гана.
Гьина зегьмет чIугунатIани, Ш.Рамазанова вичикай анжах хуш майилар туна. Ватандин вилик лайихлувилерай ам “Дуствал” ва “Дагъустан Республикадин вилик лайихлувилерай” орденриз лайихлу хьана.
Ш.Рамазанов 2020-йисан 2-октябрдиз чи арадай акъатна.
ЦIи адан руша — Дильшад Рамазановади Москвада агалкьунралди тарихдин илимрин докторвилин диссертация хвена. Вичин илимдин кIвалах алимди бубадин 80, ДАССР-дин 100 йис тамам хьунин юбилейриз бахшнава.
Шагьидин Рамазанован экуь къамат чи рикIера эбеди я.
(Адакай макъала чна гуьгъуьналлай нумрайрикай сада чапда).
Редакция
