Мукьвара Кабардино-Балкариядин Нальчик шегьерда азаддиз кьуршахар кьунай жегьил пагьливанрин арада СКФО-дин кIвенкIвечивал патал кьиле фейи акъажунра ахцегьви, РФ-дин спортдин мастер Бегхан Мисриханов тафаватлу хьана.
Вичин заланвилин (74 килограмм) категориядай акъажунра иштиракай вирибурал гъалиб хьуналди, ада чемпионвилин тIвар ва къизилдин медаль къазанмишна. Баркалла! Гила ам 10-11-апрелдиз Смоленск шегьерда кьиле фидай РФ-дин чемпионатдиз гьазур жезва. Чна Бегхан Мисрихановаз ва адан тренер, азаддиз кьуршахар кьунай РФ-дин спортдин мастер Марсел Гьажиеваз и агалкьун рикIин сидкьидай мубаракзава.
Къейд ийин хьи, и акъажунра заланвилин 10 категориядай жегьил 300 пагьливанди иштиракна. Дагъустандин командади 17 медаль къазанмишна. Абурукай 4-къизилдинбур (Муслим Мегьтиханов, Агьмед Азиев, Азнаур Таваев ва Бегхан Мисриханов) я.
Дашдемир Шерифалиев
