Азаддиз кьуршахар кьунай 23-29-апрелдиз Киевда кьиле фидай Европадин кlвенкlвечивал патал акъажунра Россиядин хкягъай дестедик кваз кьуд дагъустанви спортсмендини иштиракда. Кьилди къачуртlа, мукьвара жедай турнирдиз Рамазан Багьадинов (45 кг) Мегьамед Абдулкъадиров (65 кг), Рамазан Абузагьидов (71 кг), Гьажи Гьамзатов (92 кг) гьазур жезва.

Тlварар кьунвай спорсменар Александр Иваницкийдин тlварунихъ галай пешекарвилин турнирдин медалдин сагьибар я.

Къейд ийин, Европадин кlвенкlвечивал патал кьиле фидай акъажунрин нетижада спортсменрикай октябрдин вацра Аргентинадин меркезда кьиле фидай жегьилрин Олимпиададин къугъунра иштиракдайбур хкяда.

Дагъустандин спортсменри Европада жедай акъажунриз Новогорск шегьерда гьазурвал аквада.

«Лезги газет»