Ери-бине Ахцегь райондин Игъиррин хуьряй тир, ДГТУ-дин высший математикадин кафедрадин муаллим, “Лезги газетдин” амадаг
Агъамет Зергерович Салагьоваз:
Илимдин рехъ кьуна гъиле,
Гьар са карда ава кIвенкIве.
Четинвилер ацалт тавуй
Вал уьмуьрдин гегьенш рекье.
Игъирвиди, кьегьал хци,
Ягьни намус цав хьиз михьи,
Дидед чIални пак адетар
Ядигар хьиз хуьзва экуь.
Гьавиляй вун хьанва чешне,
Гъиле авай руьгьдин чешме.
Къуват мадни артух хьурай,
Мягькемди хьуй кутур бине!
Чан сагъ хьурай, руьгьни — кIубан,
Уьмуьр яргъи — са виш йисан!
Хизан бахтлу, цицIи хьурай,
Дережаяр — мадни кьакьан!
Ваз 60 йисан юбилей рикIин сидкьидай
мубаракзавай “Лезги газетдин” редакция
ва Къурушрин хуьруьн мектебдин муаллим Гьажи Къазиев
