Дагъустандин бажарагълу студентриз ва аспирантриз РД-дин Кьилин тIварцIихъ галай стипендия гуда. Талукь тир къарардал Дагъустан Республикадин Кьил Сергей Меликова и мукьвара къул чIугуна, хабар гузва республикадин руководителдин пресс-къуллугъди.
“Чирвилер къачунин ва илимдин ахтармишунар кьиле тухунин рекье хьанвай кьетIен агалкьунрай 2021-йисан 1-сентябрдилай, са йисан вахтуналди, Дагъустандин, гьакIни Москва ва Санкт-Петербург шегьерра авай вузрин студентриз ва аспирантриз Дагъустандин Кьилин стипендияр тайинарун тапшурмишнава, — хабар гузва идарадин информациядин къуллугъди.
Стипендия яз гузвай пул республикадин бюджетдин гьисабдай жеда. Санлай къачурла, Дагъустандин Кьилин тIварцIихъ галай стипендия жуьреба-жуьре вузра кIелзавай тахминан 70 жегьилди къачуда.
«Лезги газет»
