Египет дуьньяда лап къадим тарихдалди машгьур­ я. Ингье и уьлкведикай са бязи итижлу делилар:

—           Каир (меркез) Египетдин виридалайни гзаф ин­санар яшамиш жезвай шегьер я.

—           Араб чIал Египетда кьилинди я. Ингилис ва френг чIалар гегьенш къатара са акьван машгьур туш.

—           И уьлкведа Екатерина виридалайни кьакьан (2629 метр) дагъ я.

—           Каирдилай гъейри, Гиза ва Александрия шегье­рарни уьлкведин чIехибурук акатзава.

—           Уьлкведихъ кьве асас къумлух ава: Сахара ва Ливийский къумлух.

—           Египетда тIебиатдин бедбахтвилер гзаф жеда: кьурагьвилер, яд акьалтунар, къати гарар, залзалаяр, къумадинни руквадин гарар.

—           Египет дуьньяда виридалайни екеди тир Нил вацIун ватан я.

—           Дуьньядин ирид аламатдикай сад (пирамидаяр) Египетда ава.

—           И уьлкведин агьалийрин виридалайни гзаф рикI алай къугъун футбол я.

—           Ина кьилин пул Египетдин фунт я.

—           Египетдин квахьай Гераклион шегьер 1200 йис идалай вилик гьуьлуьн кIаняй жагъана.

—           Елкен алай луьтквеяр сифте яз Египетда арадал гъана.

—           Эвленмиш жезвайбуру сада муькуьдаз закIа­лар гунин адет эвелдай Египетда арадал атана.

—           Сят сифте яз дегь девирдин египетвийри арадал гъана.

—           “Иероглифар” лугьудай кхьинар ва кхьинар ийи­дай чарни девит (адаз “папирус” лугьузвай) сифте­ яз египетвийри арадал гъана.

«Лезги газет»