8-ноябрдиз, чпин кIвалахдин везифаяр кьилиз акъуддай чIавуз телеф хьайи РФ-дин МВД-дин къуллугъчийрин экуь къамат рикIел хкунин юкъуз, Махачкъалада и вакъиадиз талукьарнавай мярекат кьиле фена. Ана Дагъустандин Кьил Сергей Меликовани иштиракна.
Мярекатдин сергьятра аваз, ада телеф хьайи къуллугъчийриз эцигнавай мемориалдал, республикадин къанун-къайда хуьдай органрин кьилевайбурухъ галаз санал, цуьквер эцигна, абурун экуь къамат рикIел хкана.
Къейд ийин хьи, 1994-йисалай инихъ Дагъустанда МВД-дин 762 къуллугъчи телеф хьана. Абурукай 13 касдиз кьейидалай кьулухъ “Россиядин Игит” тIвар гана.
«Лезги газет»
