И йикъара Чечнядин Шали шегьерда грэпплингдай (Gi ва No Gi жуьрейрай) итимрин арада Кеферпатан Кавказдин федеральный округдин (СКФО) чемпионат кьиле фена. ИкI, акъажунрин сад лагьай юкъуз грэпплингдин No Gi жуьредай кьиле фейи акъажунра чи кьве ватандашди хъсан нетижаяр къалурна. Адам Амаханов 100 кг-дилай гзаф заланвал авайбурун арада 1-чкадиз лайихлу хьана. Магьмуд Эльдарова 62 кг-дал къведалди заланвал авайбурун арада 2- чка кьуна.
Акъажунрин кьвед лагьай юкъуз грэпплингдин Gi жуьредай кьиле фейи акъажунрани чи ватандашри — винидихъ тIвар кьунвай Магьмуд Эльдарова ва Гуьлмегьамед Гуьлмегьамедова (100 кг-дин заланвал авайбурун арада) гимишдин медалар къазанмишна. Гила абуру кьведани чпин алакьунар мукьвара кьиле фидай Россиядин чемпионатда къалурун лазим я.
Къуй чи кьегьалар уьлкведин чемпионатдайни агалкьунар гваз хтурай!
«Лезги газет»
