Мукьвара Франциядин меркез Париж шегьерда дзюдодай дуьньядин чемпионат кьиле фена. Шад жедай кар ам я хьи, и акъажунрин гъалибчийрин арада чи ватанэгьлиярни ава.

ИкI, вичин ери-бине Мегьарамдхуьряй тир  Назим  Саидовакай  60 кг-дин заланвилин категориядай дуьньядин чемпион хьана. Ада дзюдодай тренер Садир Айвазован гъилик чирвилер къачузва.

Кьвед лагьайди Агъа СтIалдилай тир Руслан  Аскеров  я. Ам дуьньядин дережада аваз кьиле фейи кесерлу акъажунра 3-чкадиз лайихлу хьана. Къейд ийин хьи, адан тренер пешекаррин арада дзюдодай дуьньядин чемпион Тельман Къурбанов я.

Чна гъалибчийриз ва абурун насигьатчийриз агалкьунар рикIин сидкьидай мубаракзава ва инлай кьулухъ мадни еке агалкьунар хьун алхишзава.

Рагнеда Рамалданова