Мектебра кIелзавай аялар тIатIилрин гуьгъуьнлай яргъал мензилда аваз кIелунин къайдадал элячIун пландик квач, хабар гана и йикъара РФ-дин просвещенидин министр Сергей Кравцова. Идалай вилик министерстводи, тIегъуьндихъ галаз алакъалу гьалар себеб яз, мектебра кIелзавай аялриз 30-октябрь алукьдалди тIатIилар башламишдай ихтияр гана.
“Министерстводиз мектебра кIелзавай аялар арада мензил аваз кIелдай къайдадал алуддай ният авач. Уьлведин Президентдин къарардалди, 30-октябрдилай 7-ноябрдалди йикъар кIвалах тийидайбур яз малумарнай. Гьа и муьгьлет гзаф мектебрин тIатIилрин вахтунал гьалтзава”, — къейдна С.Кравцова.
Адан гафаралди, мектебра кIелзавай аялар патал тIатIилрин вахт яргъи тежезвайвиляй, министерстводиз чирвилер гунин планда дегишвилер тунин лазимвал аквазвач.
«Лезги газет»