КIаму эвез ийидач гьич са вацIни.
Куьре Мелик
Вич ваз течиз на сир вугуз,
Игридакай дуст жедай туш.
Кьуьчхуьр Саид
Гьахъ гьикI хьайитIани садра винел акьалтда.
Мирзе Али
Мез кIевиз хуьх, кьенер алай балкIан хьиз.
Мазали Али
Сир чуьнуьхиз кIанда бязи алимриз,
БалкIандиз хьиз галтIам ягъиз илимдиз.
Алкьвадар Гьасан
Гъилевайди тIимил акваз, масадан шей мийир тараш.
Етим Эмин
Кесибди гайитIа акьул,
Гьич садани ийич кьабул.
Ахцегь Гьажи
ЧIурун регьят я, эхцигун — азаб!
Хуьруьг Тагьир
Инсандиз, никIе цана вахчузвай фу хьиз, рикI шад ийидай машгъулатарни герек я.
Зияудин Эфендиев
Хъсан чубан къати марфадик акатайлани кьуп-кьуру яз амукьда.
Къияс Межидов
«Лезги газет»
