Россиядин гзаф регионра хьиз, Дагъустандани коронавирусдиз акси раб ягъайди тестикьарзавай къалп сертификатар маса къачузвай дуьшуьшар авачиз туш. Мукьвара республикадин къанун-къайда хуьдай органрин векилри агьалийриз къалп сертификатар маса ганвайдан гьакъиндай уголовный дело къарагъарна.
Дуьшуьш Новолак районда арадал атана. Духтур яз кIвалахзавай дишегьлиди 10 агъзур манатдихъ кьве касдиз къалп сертификатар маса гана.
Уголовный дело агалдалди лутувиляй тахсир кутунвай духтурдиз республикадай къецепатаз экъечIдай ихтияр авач.
РикIел хкин, РФ-дин Уголовный кодексдал асаслу яз, коронавирусдиз акси раб янавайди тестикьарзавай къалп сертификат маса гунай ва маса къачунай жерме авунилай гъейри, азадвиликайни магьрумардай ихтиярар ава.
«Лезги газет»
