Республикадин шегьеррани районра коронавирусдиз акси рапар ягъун давам жезва. Мисал яз, Докъузпара районда рапар янавайбурун кьадар саки 5000-дав агакьзава.
Муниципалитетдин азарханадин кьилин духтур Шагьлар Бухсаеван гафаралди, райондиз вакцинадин 7260 доза чара авунва. Яни рапарин патахъай ина кьитвал авач.
Раб ядалди вилик инсан авай гьал (ифин, давление, ивидин сатурация ва икI мад) ахтармишзава. Профилактикадин серенжемрилай кьулухъ раб язава.
Къейд ийин хьи, 60 ва адалай гзаф йисарин яшара авайбуруз, раб ягъайла, Докъузпара райондин кьилин азарханада гьавая недай-хъвадай суьрсетар гузва.
«Лезги газет»
