И сеферда чна “Лезги газет” кlелзавайбур Урусатда къайдаяр хуьдай органрин жавабдар ва вини дережадин къуллугъ кьилиз акъудзавай Тагьирбегова Марина Тагьировнадихъ галаз танишарда.
Марина Тагьирбегова 1965-йисан 29-ноябрдиз Ахцегьа дидедиз хьана. 1991-йисуз ам къенепатан крарин органра Тюменский областдин Ханты-Мансийск АО-дин УВД-дин Нижневартовскдин райисполкомдин ОВД-дин ППС-дин ротадин милиционердин къуллугъдал акъвазна. Кlвалахдив эгечlунин жигьетдай са йисан къене бажарагълувал къалурай ам гьа къурулушдин силисчидин къуллугъдал тайинарна. 1997-йисуз Россиядин МВД-дин Тюмендин юридический институт куьтягьайдалай кьулухъ М.Тагьирбегова къуллугъдин гурарай мад са кlарцlин хкаж хьана: 1998-йисуз ам винидихъ тlвар кьунвай къурулушдин ОВД-дин силисдин отделенидин чlехи силисчидин къуллугъдал тайинарна.
1998-йисалай 2003-йисал кьван Москвада Россиядин УФСНП-дин Центральный административный округдин управленида ва 2003-2008-йисара къенепатан крарин органра, Москва шегьердин Центральный административный округдин УВД-дин налогрин жигьетдай тахсиркарвилерин отделдин важиблу крарин рекьяй чlехи оперуполномоченныйдин къуллугъ тамамарна.
2007-йисуз ада РФ-дин Гьукуматдин къвалав гвай Финансрин академия куьтягьна. 2008-2010-йисара Москвадин ГУВД-дин оперативно-розыскной частунин 1-отделдин начальникдин заместителвиле къуллугъна. 2011-йисуз Россиядин МВД-дин Москва шегьердин ГУ-дин УЭБиПК-дин 6-оперативно-розыскной частунин 19-отделдин начальникдин къуллугъдал тайинарна. 2012-йисуз РФ-дин Президентдин къвалав гвай Россиядин гьукуматдин къуллугъдин академия куьтягьна.
2014-йисалай Россиядин МВД-дин Москва шегьердин ГУ-дин экономикадин рекьяй хатасузвилин ва коррупциядиз аксивалунин управленидин 5-оперативно-розыскной частунин начальникдин къуллугъ кьилиз акъудзава.
М.Тагьирбегова къуллугъдин вини дережайриз акъатуни, шак алачиз адан алакьунрин, кардив мукьуфдивди эгечlунин ерияр ашкара ийизва. Датlана ришветбазвилихъ ва маса тахсиркарвилерихъ галаз агалкьунралди женг тухузвай Марина Тагьировна къенепатан крарин органрин къурулушрин са жерге шабагьрин сагьиб я.
Гьазурайди — Куругъли Ферзалиев
