Ийизвай гьар са кардихъ, къачузвай гьар са камунихъ вичин себеб ава, адан метлебдин дериндиз килигна кIанда.
Якьуб ЯРАЛИЕВ
Гьикьван иер я чи заман:
Къуьрез нуькер хьанва аслан!
Азиз АЛЕМ
Инсандиз, жуваз фу гузвай пешедилай гъейри, руьгьдин тIуьнни герек я.
Гьаким КЪУРБАН
Вирт гудай чIижрехъни зегьерлу мизмиз ава.
Омар ГЬУЬСЕЙНОВ
Гуьгьуьл шадардай, руьгь хкаждай музыкади, дарманди хьиз, начагъ инсандиз сагъ жез куьмекзава.
Расим ГЬАЖИ
Кесибвилерикай виридакай анжах руьгьдин кесибвал айибвал я.
Майрудин БАБАХАНОВ
Фу тIуьн патал дасмалчивал къилих туш.
Агъалар ИСМАИЛОВ
ЧIарарин рехивиляй камаллувилин дережа чириз хьанайтIа, вуч хъсан тир.
Мегьамед ВЕДИХ
КIватIайди — К.КIелетви
