Вичин ери-бине Игъиррин хуьряй тир Эюб муаллимдин сихилдай акъатнавай, гзаф йисара Дербент шегьердин 1-нумрадин гимназиядиз регьбервал гайи Дагъустандин лайихлу муаллим, РФ-дин умуми образованидин гьуьрметлу къуллугъчи Мустафа Эюбович Вагьидоваз:
Чирвилер гуз несилриз,
Савад вилик тухвана.
Муаллимдин ирс, пеше
Ви кьисметдиз атана.
Ви гьакъисагъ зегьметдиз,
Къимет ганва кутугай.
Уьмуьрда гьич легьзени
Несиб тахьуй татугай.
Сагъвал хьурай кIубан тир,
Пашманвилер такурай!
На гъиле кьур гьар са кар
Берекатрив ацIурай!
Виш йисар ви тамам хьуй,
Кьилел даим рагъ хьурай!
КIвалахар ви вилик фий,
Хизанарни — сагъ хьурай
Къурушдилай ваз гьуьрметдалди 70 йисан юбилей
тебрикзавай езне Гьажиев Къази муаллим,
ви вах Незакет ва хтуларни птулар
