3-октябрдиз Дагъустандин энергетикадин ва ЖКХ-дин министерствода 2023-2027-йисарин вахтунда республикада электроэнергетикадин хел нетижалудаказ виликди тухунин программа ва схема гьазуруниз талукь технический тапшуругъ вири терефар фикирда кьуна туькIуьрунин гьакъиндай рабочий дестедин заседание кьиле фена, хабар гузва идарадин пресс-къуллугъди. Заседание министрдин заместитель Мегьамед Алибегован регьбервилик кваз кьиле фена.
Ада къейд авурвал, республикадин энергетикадин хел вилик тухунин планар гележег фикирда аваз туькIуьрунихъ регион яшайишдинни экономикадин жигьетдай виликди тухунин ва агьалияр энергиядалди дурумлудаказ таъминарунин жигьетдай кьетIен важиблувал ава.
“Схемадин бинеда энергетикадиз талукь нетижалу ва вири терефар фикирда кьуна туькIуьрнавай къурулушар арадал гъун ава. Ада сетдин тешкилатриз объектар эцигуниз талукь серенжемар инвестицийрин программайрик кутадай мумкинвал гуда. Чна, жуван нубатдай, и документ гьазуруниз талукь технический тапшуругъдин месэлаяр лап куьруь вахтунда сад-садав кьадайвал туькIуьрун лазим я”, — лагьана министрдин заместителди.
Алава хъийин, совещанида “Россети Кеферпатан Кавказ” ПАО-дин, “РусГидро” ПАО-дин, “ФСК ЕЭС” компаниядин, гьакIни Дагъустандин РДУ-дин векилри иштиракна.
«Лезги газет»
