РФ-дин хуьруьн майишат виликди тухунин карда куьмек гунин Фонд Россиядин хуьруьн майишатдин министерстводихъ ва Туризмдин рекьяй федеральный агентстводихъ галаз санал хуьрерин (аграрный) туризмдин хел еримлу авунин месэладал кIевелай машгъул хьанва.
Хуьрерин туризм — им неинки уьлкведин къенепата сиягьат авунин кар алай хилерикай сад, гьакIни хуьрерин чкаяр виликди тухунин рекье нетижалу серенжем, хуьрериз инвестицияр желб авунин къайдайрикай сад я.
Фондуни “Росагротуризм.РФ” (https://росагротуризм.рф) портал кардик кутунва — ина хуьрериз сиягьат ийиз кIанзавай объектар виликамаз хкядай мумкинвал ава. Гьисабзавайвал, порталди сифтедай Россиядин, гележегда маса уьлквейрин сергьятривни хуьрерин туризмдин хилен теклифар агакьардай мумкинвал гуда. Сервисдин кIвалах пулсузди я — адан финансрин куьмек Фондунин бюджетдай гузва. Хуьрерин туризмдин хилел машгъул тир карчияр патал им лап хъсан мумкинвал яз гьисабзава.
«Лезги газет»
