Подписка-2022
Играми ватанэгьлияр! 2022-йис патал “Лезги газет” кхьидай вахт алукьнава. Вилик йисара хьиз, цIини ам почтадин алакъадин отделенийрай, “Дагпечатдин” киоскрай, редакциядин бухгалтериядай кхьиз жеда. РикIел хкин, “Дагпечатдин” киоскар Кьиблепатан Дагъустанда — Дербент, Дагъустандин Огни шегьерра, Ахцегь, Мегьарамдхуьруьн, СтIал Сулейманан районра ва Белиж поселокда ава.
Ибурулайни гъейри, хайи чIалал акъатзавай газет кIваляй экъечI тавуна, интернетдин куьмекдалди, “Почта России” АО-дин официальный сайтдайни кхьидай мумкинвал ава. И къайдада газет кхьин патал сифте нубатда “Почта России” АО-дин сайтда регистрация авуна кIанзава. Гуьгъуьнлай “Подписка онлайн” разделдиз гьахьна, индексрин куьмекдалди герек тир газет, журнал хкяна, ам кхьизва.
Шад жедай кар ам я хьи, эгер 2021-йис патал “Лезги газет” кхьинин къимет 977 манатни 41 кепек тиртIа, 2022-йис патал ам 873 манатни 73 кепек хьанва. Газет кхьидай къиметар агъадихъ галай таблицада ганва.
Чна квез хайи чIалал акъатзавай газет кхьиниз эвер гузва. Им куьне хайи чIал хуьник кутазвай пай хьурай!
«Лезги газет»
