Алатай сечкияр республикадин, вири Россиядин сиясатда кьетIенбур хьана. Сифте яз и сечкияр пуд юкъуз давам хьана. И карди гьардаз, вичиз мажал авай югъ хкяна, сес гудай мумкинвал гана.

Чи республикадин Халкьдин Собрание хейлин цIийи хьанва. Авайвал лугьун, эхиримжи йисара гьукуматдин, жемиятдин институтрин кесер хейлин аватнавай. И кар себеб хьана, сечкиярни ихтибардай акъатнавай.

Гьелбетда, парламент цIийи хъувунихъ кьетIен метлеб ава. Лугьун лазим я, исятдани и Собранидиз хкянавай бязи депутатар гьич тупунин мензилдизни агуд тавуна кIанзавайбур я. Гена ахьтинбурун кьадар акьван артух туш.

Чна умудзава, цIийиз хкянавай Собраниди вичин везифаяр михьидаказ, халкьдин къайгъуяр са герендани рикIелай алуд тийиз тамамарда. Чна чпиз хъсан сят хьурай лугьузва!

Алюсет Азизханов, жемиятдин деятель