“Тарцик” вуч ква?
— Ам вичин тар авайди я.
— Вири са тара ава, вун — маса тара.
— Тар ярх жедалди кIвачел акъвазда.
— Тарар дуьз хьайила, чIулар (запахъар) дуьз жеда.
— Кац кIеве гьатайла, тарциз акьахда.
— АтIудалди вири тарар дуьзбур яз аквада.
— Таран къарникъуздикай къав жеда.
— Тараз якIв ягъайлани, ван тежедайбур ава.
— Тарни чуьнгуьр са тарцикай ийизвайди я.
— Тарцин кIаник акъваздалди, тарце вуч аватIа килиг.
— Къени къелем чIуруди жедач.
— Ам чIарчIикай тар ийидайди я.
— Абур, тар атIайла, дибдилай хтайбур я.
— Патахъ тар, цик кутурла, дуьз хъжеда.
— Тарцин пунув иблис жеда.
— Фад цуьк авур тарци фад емишни гъида.
* * *
— Зи гъилик гъуьрни кумач, кьилел гъуьлни аламач.
— Вахтунда авур кар гьавая жагъайдай я.
— Яру яц яруз рекьида.
— Макьарин чIал макьариз чир жеда.
— Цав гьинай рахайтIани, хар зал къвада.
— Цав рахан тийиз, цIайлапан ягъайла, кьурагь жеда.
— Гьавадини тапарардай вахтар ава.
— Кьурагьа кьейиди Кьурагьа кучукзава.
Гьуьсейн Рамазан
