Новолак районда 20 гектардин майдан кьадай теплицайрин комплексдиз талукь инвестицийрин проект кьилиз акъуддайвал я. 7-сентябрдиз Махачкъалада РД-дин Гьукуматдин Председатель Абдулпатагь Амирханован регьбервилик кваз кьиле фейи совещанидал и кардиз талукь месэлаяр веревирдна.
Проект теклифнавайди “Олимпия Капитал” ГК я. Адан сергьятра аваз йиса 4 агъзурни 600 тонн помидорар битмишардай комплекс эцигда.
Къейд ийин хьи, проектдиз кьилиз акъудун патал 5,4 млрд манат пул харжда ва кIвалахдай цIийи 115 чка арадал гъида.
Проектдиз талукь месэлаяр вервирд авурдалай ва РД-дин карчивилин ва инвестицийрин Агентстводи кьиле тухванвай кIвалахдин нетижайрихъ галаз таниш хьайидалай кьулухъ А.Амирханова Гьукуматди и проектдин тереф хуьдайдакай хабар гана.
«Лезги газет»
