24-августдиз РД-дин Гьукуматдин Председатель Абдулпатагь Амирханова республикадин духтурханаяр кислороддалди ва дарманралди таъминарунин месэлайриз талукьарнавай совещание кьиле тухвана.
РД-дин здравоохраненидин министерстводин делилралди, алай вахтунда Дагъустандин духтурханайра са йикъан къене серфзавай медицинадин кислородди 30 тонн тешкилзава. Къейд ийин хьи, медицинадин кислород гьазурзавай кархана чкадал алач. Ам къецепатан регионрай махсус улакьра аваз гъизва.
А.Амирханова хабар гайивал, Дагъустандиз медицинадин кислород гъидай улакьар маса къачун патал РД-дин Гьукуматди резервдин фондунай 31 млн манат пул чара ийида.
“Лезги газет»
