Махачкъалада 300 чарпай авай аялрин духтурхана эцигдайвал я. И кардикай 23-августдиз РД-дин Гьукуматдин Председатель Абдулпатагь Амирханова хабар гана.
Адан гафаралди, республикада здравоохраненидин идараяр бес кьадар авач, гьавиляй аялрин цIийи духтурхана эцигун фикирдиз къачунва.
Духтурхана эцигдай чкадин (чилин майдандин) патахъай вичин рахунра Махачкъаладин мэр Салман Дадаева къейд авурвал, Махачкъалада алай вахтунда яшайишдин объектар эцигдай чилин азад майданар лап четиндиз гьатзава. Аялрин духтурхана эцигун патал виридалайни кутугай чка, Салман Дадаеван фикирдалди, ЦIийи Хушетда ава.
А.Амирханова духтурхана эцигдай майдандин месэла РД-дин чилин ва эменнидин алакъайрин, здравоохраненидин министерствойриз республикадин меркездин администрациядихъ галаз санал гьялунин буйругъ гана.
“Лезги газет»
