—        Къадалайни гзаф халкьарин медениятда бал­кIан пак гьайван яз гьисабзава.

—        Виридалайни гзаф балкIанар авай уьлкве Китай я.

—        БалкIанар кIвалин гьайванриз 6 агъзур йис идалай вилик элкъуьрна.

—        Гзаф балкIанриз кофе хуш я.

—        Кеферпатан Америкадиз балкIанар европавийри тухвана.

—        БалкIанрин жинсерикай вердишариз тежедайди анжах Азиядин чIурун балкIан я.

—        Дуьньяда балкIанрин 160 жинс ава.

—        И гьайванривай кIвачин кьилел ахвар ийиз жеда.

—        Тежрибалу пешекардивай балкIандин яш адан сарарин гьалдиз килигна тайинариз жеда.

—        БалкIанривай чпин вилер, сад муькуьдалай аслу тушиз, жуьреба-жуьре патарихъ юзуриз жеда.

—        БалкIанар ширинлухрал рикI алай гьайванар яз гьисабзава.

—        Маса гзаф гьайванрилай тафаватлу яз, балкIан­рин кIарабар гзаф мягькем я, амма хайи чIавуз абур лап явашдиз сагъ хъжеда.

—        Фалабелла тIвар алай жинсинин балкIанар дуьньядал виридалайни гъвечIибур я.

—        БалкIанар юкьван гьисабдалди 25-30 йисуз яшамиш жезва.

—        Чилел яшамиш жезвай нек хъвадай гьайванрикай виридалайни еке вилер авайбур балкIанар я.

—        Носорог балкIандин “багъри” яз гьисабзава.

—        Яшариз ва бедендиз килигна, балкIанривай гатун береда са юкъуз 30-60 литр яд хъваз жеда, хъуь­тIуьн береда — 20-25 литр.

—        Чуьлда балкIандивай са юкъуз 25 килограммдилай 100-дал кьван векь нез жеда.

«Лезги газет»