Алай йисан 20-мартдиз Махачкъалада, ДГПУ-дин конференц-залда лезги чIалан месэлайриз талукьарнавай форум кьиле фида. Мярекатдин оргкомитетдин председатель, профессор Руслан Къадимова къейд авурвал, алатай йисалай тафаватлу яз, цIи форум лезги чIалал кьиле тухуда. Адан кIвалахда чи халкьдин машгьур векилри — жемиятдин ва илимдин деятелри, муаллимри, журналистри, хайи чIалал рикI алай ватанпересри иштиракда.
Оргкомитетди чи хуьрерин мектебра кIвалахзавай мумкинвал авай дидед чIалан ва литературадин муаллимризни форумдиз теклифзава. Мярекатдин сергьятра рахадай ният авайбурувай виликамаз электронный почтадин yazik-kultura@mail.ru адресдиз чар рекье туна ва я телефондин 8 928-569-93-31 нумрадиз зенгна хабар гун тIалабзава. Форум сятдин 11-даз башламишда.
Оргкомитет
