9-10-августдиз Ахцегьрин хуьре “Хъсанвал ая!” лишандик кваз футболдай машгьур меценат, лезги халкьдин кьегьал хва  Сулейман  Керимоваз  бахшнавай­ тур­­­­нир кьиле фена. Акъажунар тешкилайди ах­цегьви карчи  Нариман  Гъазалиев  я.

2007-2008-йисара дидедиз хьанвай жаванрин арада кьиле тухвай турнирда Чечнядай, Кеферпатан Осетиядай, Ин­гу­ше­тиядай, Карачаево-Черкесиядай, Ма­хач­къаладай, Дербентдай атанвай ва Ахцегь райондин командайри ишти­ракна.

Кьве юкъуз давам хьайи акъажунра кьилин­ судьядин везифаяр Камил Гьажиева тама­марна. Нетижада 1-чкадиз — Кеферпатан Осетиядин “Академия-Алания”, 2-чкадиз — Карача­ево-Черкесиядин “Черкесс” ва 3-чкадиз Ахцегь­ райондин “Ахцах” командаяр лайихлу хьана.

Гъалибчийриз 50, 25, 15 агъзур манатдин кьадарда аваз пулдин премияр, дипломар ва багьа савкьатар гана.

Агьмед  Магьмудов