2-июлдиз чи арадай пара къени инсан, веледрин къайгъудар диде, сифтегьан классрин аялриз чирвилер ва тербия гайи хъсан муаллим Суна Магьсубовна Абдулазизова акъатна.
Суна 1954-йисуз Кьурагь райондин Кьуьчхуьррин хуьре дидедиз хьана. Ина 8 йисан школа акьалтIарай дагъви руш Дербентдин педучилищедик экечIна. 1975-йисуз педучилище куьтягьна, чпин хайи хуьре, ахпа Кьурагьрин школада сифтегьан классра тарсар гана. Вичин гьакъисагъ зегьметдалди ада гьуьрмет, авторитет къазанмишна. Суна Магьсубовна пара мегьрибан дишегьли, хъсан диде тир. Хизанда кьуд велед (кьве хвани кьве руш) чIехи авуна, абуруз дуьзгуьн тербия гана, образование къачудай мумкинвилер яратмишна.
Кьурагьрин 2-нумрадин юкьван школадин коллективди чахъ галаз санал кIвалахзавай руш Ахматова Эльмирадиз, свас Абдулазизова Фатимадиз ва амай вири багърийриз, мукьва-кьилийриз, Суна Магьсубовна Абдулазизова рагьметдиз финихъ галаз алакъалу яз, дериндай хажалат чIугуналди, башсагълугъвал гузва. Адан экуь къамат чи рикIера гьамишалугъ амукьда.
«Лезги газет»
