ХъуьтIуьн мекьи вахт тир. ЧIехи шаир СССР-дин Верховный Советдин депутатвиле кандидат яз къалурнавай. Ам чи хуьруьн жемятдихъ галаз гуьруьшмиш жез атанвай.
Амма шаир Дербентдай чиниз геж агакьуниз килигна, жемятдин собрание пакад юкъуз тешкилун меслят хьана. Хуьруьн гьакимри Тагьир бубадиз кIвализ атун, ял ягъун теклифайла, ада вич рагьметлу Шерифали бубадин невейриз мугьман жеда лагьана.
Асваров Эмирагъа халудин кIвале йифен сятдин 11-12 жедалди абуру чпин суьгьбетар авуна ва пакад йикъаз талукь месэлайрикайни лагьана.
Садлагьана Тагьир халудиз инсафсуз азарди вичикай хабар гана. Духтуррин куьмекдикайни хийир хьанач. Вичин рикI алай Шерифали бубадин неве Эмирагъадин метIел кьил алаз, шаирди чан гана. Йифен сятдин сад хьанвачир. Мегьарамдхуьруьн райкомдин 1-секретарь М.Букаров ва райисполкомдин председатель И.Керимов чкадал атана акъатна.
Хуьруьн Советдин председатель Абдурагьманов Осман, колхоздин парторг Асваров Абдурагьман, колхоздин председатель Мурсалов Сарухан райондин гьакимрин буйругъдалди Тагьир халу вичин эхиримжи рекьиз тухун патал къайгъуйрик экечIна, гьазурвилер акуна.
Обкомдин, райкомдин ва Советский хуьруьн жемятдин тIварунихъай венокар гьазурун лазим тир. И кIвалах кьиле тухун патал КцIара авай военный частунивай куьмек къачуна. 3 венок гьанай гваз хтана. И арада рагьметлудан юлдаш Гуьлуьшан диде ва езне Касимов Султали атана агакьна. Мейит авай кIвале гьуьрметдин къаравул акъвазнавай. РакIарал фейивалди, Гуьлуьшан дидедай гьарай акъатна: “Костюмар дегишардайла, рикIелай дарманар къачуз алатна! Заз чизвай ви кьилел и дуьшуьш къведайди…”
Советский хуьруьн жемятди, адет тирвал, мейит рекье хтуна. Ахцегьрин жемятди ам ГЭС-дин кьилихъай къуьнераллаз клубдин дараматдал кьван хутахна.
Шаир райцентрадал алай паркуна кучукна…
Тагъи Абдурагьманов