Северикай итижлу делилар

Винел патан акунриз, уьмуьр кьиле тухузвай те­гьердиз килигна, север маса гьайванрилай тафаватлу я. Абурухъ галаз алакъалу бязи делилар неинки аялриз, гьакI чIехи­бурузни итижлу жеда.

—           Север тахминан 5-6 миллион йис идалай вилик пайда хьана.

—           Северин “багърияр” сикIер, кицIер ва жанавурар яз гьисабзава.

—           Виридалайни екебур полярный север я. Абурун заланвал 500 килограммдив агакьзава.

—           Северин хамунал алай чIа­рар кьве къатуникай ибарат я.

—           Тамара яшамиш жезвай се­ве­рилай тарариз акьахиз алакь­зава.

—           Полярный северин жуьреди анжах як неда, амайбуру — гьар са затI (векь, емишар як…).

—           Лацу севрен хам чIулав рангунинди я.

—           Виридалайни  гъвечIи  север  Малайзиядинбур я.

— Алай вахтунда Чилел яшамиш­ жезвай северин 8 жуьре малум я.

— Къадим Русда север пак гьай­­ванар яз гьисабзавай.

— Тропикрин ва кеферпатан ла­цу север чилада жезвач.

— Муькуьбурулай тафаватлу яз, ла­цу северин тапасар хейлин гьяркьуь я.

— Йиртижи гьайванрикай анжах севери векь незва. И кар себеб яз абурухъ кьве жуьредин сарар ава: садбур як тIуьн патал я, муькуьбур — векь.

— ТIебиатда север юкьван гьи­сабдалди 30 йисуз яшамиш жезва.

— 2008-йисуз Канадада сев­ре гьу­жумай инсандал чан аламукьна. Инсанди кьейидан кьасар авуникди сев кьулухъ элкъуьн хъувуна.

—           Чилел алай кьван северин пудай кьве пай Кеферпатан Америкада яшамиш жезва.

—           Полярный севрен хуквада 68 килограмм як гьакьда.

«Лезги газет»