3-мартдиз Мегьарамдхуьруьн 2-нумрадин МДЮСШ-да волейболдай хуьрерин хкягъай дестейрин арада райондин чемпионатдин финал кьиле фена.

Акъажунар волейбол ва сагълам уьмуьр гегьенш къатариз машгьур авунин, райондин къуватлу спортсменар ва дестеяр винел акъудунин макьсаддалди тешкилнава.

Акъажунра Мегьарамдхуьруьн райондин хуьрерин дестейри иштиракна. Кlеви акъажунрин нетижаяр ихьтинбур хьана: чемпионатдин гъалибчи Гъепцегь хуьруьн десте хьана, кьвед лагьай чка Советский хуьруь кьуна, пуд лагьай чкани Мегьарамдхуьруьн дестедиз амукьна.

Гъалибчиярни приздин сагьибар Кубокралди, медалралди ва грамотайралди къейдна.

Куругъли Ферзалиев