Москва шегьердин судди Дагъустандин республикадин экономикадин виликан министр Р.Юсуфов 5-апрелдалди дустагъда туна. И гьакъиндай «Лезги газетдиз» «Интерфаксди» хабар гузва.

«Москвадин Басманный судди Юсуфоваз талукь яз ам дустагъ авунин серенжем кьабулай къарарда дегишвилер тунвач, суддин къарардилай рази тушиз кхьей шикаятар лагьайтlа, рази тежедайбур яз гьисабнава», — и гьакъиндай суддин векилди хабар ганва.

Силисдин кlвалахдин къуллугъчийрин фикирдалди, РД-дин экономикадин виликан министр Р.Юсуфов республикадин бюджетдай цlудралди миллионар чуьнуьхунихъ галаз шерик я.

Куругъли Ферзалиев