Квез чидани?

—           Алимри тестикьарнавайвал, типIер Чилел яшамиш жез 70-80 миллион йисар я.

—           Антарктидадилай гъейри, типIер алемдин вири чкайра яшамиш жезва.

—           ТипIерин жуьреяр 220-далайни гзаф ава.

—           Виридалайни чIехи тIиб Евразиядин байкъуш я. И байкъушрин кьакьанвал 75 сантиметрдив агакьзава, заланвал — 4,5 килограммдив, ахъайнавай луварин яргъивал — 1902 сантиметрдив.

—           ТипIерин бязи жинсери балугърал гъуьрч ийида. Абуруз балугърин байкъушар лугьузва. И жуьредин типIер алай вахтунда саки терг хьунин сергьятдив агакьнава.

—           Маса къушарилай тафаватлу яз, типIерин япариз хъсандиз ван къведа.

—           ТипIеривай вилер инихъ-анихъ къекъуьриз жезвач, гьавиляй абуру гзаф вахтара кьил юзурда.

—           ТипIер йифен къушар я. Амма бязибуру йикъан­ уьмуьр кьиле тухузва. Месела, лацу типIери йикъан береда гъуьрч ийизва.

—           Йифиз гъуьрчез экъечIдай къушари чпин гъуьр­чериз кичIерар гун патал, мукьвал-мукьвал къати ва­нер акъудда.

—           ТипIерин япар кьведни сад хьтинбур туш. Абур, гьам кIалубдиз, еке-гъвечIивилиз, гьамни алай чкадиз килигна, сад муькуьдалай тафаватлу жезва.

—           ЧIехи байкъушри гьатта сикIерал, къабанринни миргерин шараграл гьужумзава.

—           Эркекбурулай диши типIер еке я.

—           ТипIери кьуьгъуьррални гьужумзава. Чпин хци ва къуватлу  къармахрин куьмекдалди абуру кьуь­гъуьр­дал алай цацар алудзава.

—           Бязи типIеривай яд галачиз са шумуд вацра ду­рум гуз жеда — абуруз чпи кьазвай гъуьрчен иви бес жезва.

—           Бязи типIери йисан къене 1000-дав агакьна кьифер незва.

—           Маса бязи уьлквейра хьиз, Россиядани типIе-рин вири жуьреяр къанундалди гуьзчивилик кутунва (хуьзва).

«Лезги газет»