Мукьвара чав Хив райондин Фиригърин хуьряй тир жегьил писатель-музыковед Эдуард Ашурагъаеван нубатдин ктаб агакьна. Автордин ирид лагьай ктаб Дагъустандин композиторрин биографийрин куьруь словардин къайдада аваз акъуднава. Ам урус чIалалди кхьенва. Композиторрин биографийрин словардиз “ЦIийи Кавказ — Kуьредин ярар” культурадин центрадин чапханади дуьнья къалурна.
ЦIийи словарда Дагъларин уьлкведиз музыкадин алем ачухай кьудкъад композитордикай шикиларни галаз куьруь делилар гьатнава. Авторди и ктаб вичиз тарс гайи, вичин насигьатчияр хьайи, Дербентдин Д.Ашурован тIварунихъ галай музыкадин училищедин педколлективдиз бахшзава.
2015- йисалай Э.Ашурагъаева яратмишунрин рекье галатун тийижиз ва бегьерлудаказ кIвалахзава. И йисара ада Дагъустандин, гьа жергедай яз лезгийрин, милли музыкадин искусстводикай ктабар кхьенва, газетра, журналра милли музыкадикай, алатай ва алай девирдин композиторрикай, манидаррикай макъалаяр чапзава.
Чи фикирдалди, Эдуард Ашурагъаеван ктабар музыкадин училищейрин муаллимар, студентар ва гьакIни милли культурадал рикI алайбур патал хъсан савкьатар хьанва.
Чна автордиз цIийи ктаб рикIин сидкьидай мубаракзава.
М.Магьмудов
