ЧIехи буба
ЧIехи буба, шииратдин бине чи,
Хазинадин дагъ багъишай несилриз,
За фикирра туна суьрет, къамат ви,
Алахъзава зунни ви рехъ давамриз.
Элкъуьрзава за йисарни кьулухъди,
Твазва ви руьгь зи цIарарин бейнида,
Гьахъвал кIандай, зунни туша чуьруькчи,
Гьахъсузвилив тваз тадач жув есирда.
Йисар фена, вишералди гьисабиз,
Жавагьирар ама халкьдин мецерал.
Ви “Туькезбан” аваздалди тамамриз,
Кьуьлерзава ви несилримехъеррал.
Хуьруьн юкьвал кьил хкажна такабур,
Акъвазна тик, кьабулиз чи саламар.
Етим туш вун! Гзаф хьанва мукьвабур,
Руьгь шад ийиз алахънава рухваяр…
Эмин, вакай хуьр хьанва къе лап чIехи,
Вун чи буба, чунни я ви невеяр.
Ваз женнет гуй, чаз — къуватар Аллагьди,
Мягькемардай шииратдин къелеяр!
Имирхан Айдаев, Эминхуьруьн юкьван мектебдин 7-классдин ученик
* * *
Райондин школайра кIелзавай аялрин арада зурба классикдиз бахшна шиир туькIуьруниз ва ам кIелуниз талукьарнавай конкурсда Имирхана 1-чка кьуна. Адаз диплом ва пулдин премия гана. Аферин!
Ахварин сир
Са пакамахъ рикI алай
Хтулди гъвечIи
Ахъайзава ихтилат
Бубадиз кьуьзуь:
— Акунва заз са ахвар,
Хьурай ваз аян.
Манадикай акурдан
Це заз са баян.
— Пайгъамбардин хийирдиз
Хьурай ам вири.
Ахъай, белки, кьан чна
А сирдин фири.
— ЧIехи вирин винелай,
Циф хьтин чIулав,
Са затI къвезвай дагъларихъ
Кваз мичIи ялав.
Адан къене саф хьана
Авай са илан.
Зурба! Акур инсандин
АтIудай аман.
Къарагъна сад дагъ хьана,
Тур аваз гъиле,
Гужлуз яна адалди
Мурдардин келле.
Гъуьлягъдивай хъхьанач
Тамамдиз юзаз,
ЧIулав цифни чкIана
Гьа акваз-акваз.
— Терроризм а гъуьлягъ я,
Зи хва, ваз акур.
ИГИЛ* я а чIулав циф
Галукьайди тур.
А къанлуйри ийизва
Ислягь халкь къирмиш,
Тагун патал секиндиз
Чав жез яшамиш.
Иланар а кукIвариз,
Къвемир ваз гьайиф,
Мад хтана кIандачтIа
Чилел чIулав циф.
Селимат Ашурагъаева, Хив райондин Фригърин мектебдин 9-классдин ученица
