Алай йисан 16-майдиз Дербентда Лезгийрин госмуздрамтеатрда РД-дин культурадин, милли сиясатдин ва диндин крарин рекьяй министерствойрин, республикадин “Лезги газетдин” куьмекни галаз “Гьиссерин гатфар” тIвар алаз Дагъустандин искусствойрин лайихлу деятель, композитор Къагьриман Ибрагьимован ва лезгийрин бажарагълу шаир Билал Адилован (Баку шегьер) манийрикай ибарат чIехи концерт кьиле фида.
Программадик квай вири манияр цIийибур я ва абур гваз сегьнедиз Дагъустандин эстрададин тIвар-ван авай гъетер-манидарар экъечIда. Концерт шаир Владик Батманова кьиле тухуда. Лезги манийрал рикI алай виридаз — буюр!
Телефон: 8 928 976 68 68
«Лезги газет»
