Майдин ва ЧIехи Гъалибвилин суваррин вилик квай йикъара чи газетдин редакцияда шад мярекат кьиле фена. Республикадин культура, литература, экономика, яшайишдин хилер вилик финик кутунвай лайихлу пай гьисаба кьуна, са десте журналистрив КПРФ-дин ЦК-ди ДАССР-дин 100 йис тамам хьунихъ галаз алакъалу яз тешкилнавай цIийи шабагь — “100 лет образования Дагестанской Автономной Советской Социалистической республики — Дагестанской АССР” — рикIел хуьнин медаль вахкана.
Абурук “Лезги газетдин” кьилин редактор Мегьамед Ибрагьимов, тежрибалу журналистар: газетдин жавабдар секретарь Шихмурад Шихмурадов, литературадин отделдин редактор, шаир ва публицист Мердали Жалилов ква.
Шабагь вахкуз Махачкъала шегьердин дяведин ва къанун-къайда хуьнин органрин ветеранрин Советдин председателдин заместитель, отставкада авай полковник Нисрет Сейфуллагьович Исмаилов атанвай. Чна цIийи шабагьдин сагьибар рикIин сидкьидай тебрикзава.
«ЛГ»
