И йикъара тIвар-ван авай журналист-публицист, “РД-дин культурадин лайихлу работник”, “РД-дин халкьдин журналист” лагьай тIварарин сагьиб, “Шарвили” премиядин лауреат, чи газетда хейлин йисара адан жавабдар секретардин къуллугъдал хьайи, гуьгъуьнлай “Дагъустандин правда” газетдин хсуси мухбирдин везифаяр бегьемарна, гила чи газетдин хсуси мухбир тир Абдулафис Муфрудинович Исмаилован 75 йис тамам жезва. Чна адаз и вакъиа рикIин сидкьидай мубаракзава:
Хайи макан Берек я,
Вич лекьрелай зирек я!
Устад хва я кхьиниз,
Майданар гуз экуьниз!
Тергда кубут рехнеяр,
Хуьз эдебдин бинеяр!
Мад хьурай вахъ хцивал,
ЧIаларихъни — верцIивал!…
Кьиле аваз хизандин,
Демда хьурай къазан дуьз!..
“Лезги газетдин” редакциядин коллектив
