РД-дин Гьукуматдин Председателдин заместитель, РД-дин образованидинни илимдин министр Уммупазиль Омарова Мегьарамдхуьруьн райондин Ярагъ-Къазмайрин, мукьвара, мартдин сифте кьилера, ачухдай цlийи мектебдиз фена, — и гьакъиндай «Лезги газетдиз» министерстводин пресс-къуллугъди хабар гузва.
Министрди заместитель Альбина Аруховадихъ ва Мегьарамдхуьруьн райондин кьил Фарид Агьмедовахъ галаз санал цlийи мектеб кардик кутунин гьазурвилиз фикир гана. Мугьманрин дестеди тарсар кьиле фидай классриз ва мектебдин дараматдихъ галай мулкарин абадвилиз къимет гана.
Къейд ийин, Ярагъ-Къазмайрин цlийи мектебдихъ алай аямдин истемишунрив кьазвай вири жуьредин щартlарни мумкинвилер ава. Ина 320 аялдивай чирвилер ва тербия къачуз жеда.
Куьлуь-шуьлуь месэлайризни хъсандаказ фикир гуналди, РД-дин Гьукуматдин Председателдин заместитель – РД-дин образованидинни илимдин министр Уммупазиль Омаровади дараматдин гьазурлухвилиз разивилин къимет гана.
«Лезги газет»
