Накь, 24-февралдиз, гьавадин мекьивилизни килиг тавуна, Мегьарамдхуьруьн райондин Тагьир-Къазмайрин хуьре Владимир Владимирович Путинан кандидатурадин тереф хуьнин ва Россиядин сергьятра авай-авачир, надир Самур там хуьниз талукьарнавай мярекат кьиле фена.

«ЛезгиЯр» сайтди хабар гузвайвал, и мярекатдин кьилин тешкилатчияр ФЛНКА-дин Президент Ариф Керимов ва и тешкилатдин вице-президент, Госдумадин виликан депутат Мамед Абасов я.

Самурвияр экуьнин кьиляй мярекатдал кlватl жез гатlунна, сифтедай мярекат кьиле фейи чкадал манийрин ван алай. Иштиракчияр «Путин – чи Президент!», «Дагъустанди Путинан тереф хуьзва!», «В.Путиназ Самур там хуьнай чухсагъул!» кхьинар алай плакатар, милли пайдахар гваз куьчедал экъечlна.

Къейд ийин, мярекатда «Лезги газетдин» кьилин редактор Мегьамед Ибрагьимова, Храх-Убадин председатель Бахтияр Мамедова ва масабуруни иштиракна.

Куругъли Ферзалиев