И йикъара Каспийскда, Али Алиеван тIва-рунихъ галай спортдин ва жегьилрин дворецда, 2005-2007-йисара дидедиз хьанвайбурун арада самбодай Дагъустандин кIвенкIвечивал патал акъажунар кьиле фена. Ана республикадин жуьреба-жуьре районрайни шегьеррай тир 150-далай виниз самбистри чпин устадвал къалурна…
Чаз мадни хабар хьайивал, и акъажунра Сулейман-Стальский райондин спортдин, туризмдин ва жегьилрин крарин рекьяй комитетди (кьиле авайди — Надир Эфендиев) Россиядин лайихлу тренер, машгьур спортсмен Тельман Къурбанован регьбервилик кваз 11 спортсмендикай ибарат тир команда рекье тунвай. Къизгъин бягьсерин нетижада Имам Мусаев (64 кг), Мелик Мусаев (71 кг) ва Вели Саругъланов (78 кг) — 3 ва Адам Рустамов 5-чкайриз лайихлу хьана. КIвенкIвечи чкаяр кьур вири спортсменри СКФО-дин кIвенкIвечивал патал апрелдиз Новороссийск шегьерда кьиле фидай акъажунра иштиракда. Къуй жегьилрихъ еке агалкьунар хьурай!
Чи мухбир
