Мукьвара Нальчик шегьерда, Мадина Саральпан арт-центрада, Дагъустандин халкьдин писатель Къияс Межидован руш Сияра Аккизовадин шикилрин выставка ачухна. Ам 20-апрелдалди давам жеда. Выставка Къияс Межидован 110 йис тамам хьуниз талукьарнава.
Лагьана кIанда, Сияра Аккизова Урусатдин художникрин Союздин член, Кабардино-Балкария Республикадин халкьдин художник я. ГъвечIи чIавалай шикилар чIугвазвай, алакьунар авай чи ватанэгьли къецепатани машгьур я.
Кьисметди къецепатан республикадиз акъуднавай Сияра Аккизовади вичин бубадин ватандихъ — Ахцегьрихъ галаз сих алакъа хуьзва. Вичин яратмишунрани ада лезги чилин и гуьрчег пипIез кьетIен чка ганва.
Чаз Сияра Къиясовнадихъ яратмишунрин рекье мадни еке агалкьунар хьана кIанзава.
«Лезги газет»
